Um okkur

Trúarleg fjölskylda Orðsins sem varð hold

Trúarleg fjölskylda Orðsins sem varð hold samanstendur af deild karla (Institute of the Incarnate Word, IVE), deild kvenna, (Þernur Drottins og Maríu meyjar frá Matará, SSVM) og Veraldlegri þriðju reglu (TOS).
Stofnandi hennar, séra Carlos M. Buela, vildi nefna hana eftir mesta atburði sögunnar, atburði sem er æðri öllum öðrum: Holdgun Guðs Sonar.
Trúarleg fjölskylda Orðsins sem varð hold beinir andlegu hlutverki sínu að þessum leyndardómi og telur hann fyrirmyndina til að átta sig á sérstökum tilgangi sínum, nefnilega að boða fagnaðarerindið í menningunni, færa holdgun Orðsins til allra manna, til mannsins í heild og til allra birtingarmynda mannsins (sbr. Stofnskrá, # 5).
Með því að vinna heit fátæktar, skírlífis og hlýðni viljum við líkja eftir og fylgja nánar Orðinu sem varð hold í skírlífi hans, fátækt og hlýðni. Að auki játum við fjórða heit Maríuþjónustunnar í anda hl. Lúðvíks Maríu Grignion de Montfort. Með þessu heiti helgum við allt líf okkar Maríu mey.
Bæði IVE og SSVM hafa íhugunardeild þar sem meðlimir „vilja helga sig því eina sem er nauðsynlegt, að velja góða hlutskiptið“ (sbr. Lk 10:38-42). Í klaustrinu, í gegnum líf í þögn, bæn og yfirbót, fá þau frá Drottni þá náð sem er nauðsynleg til bjargar mörgum sálum.
Hin veraldlega þriðja regla, eða leikmannaregla fjölskyldu Orðsins sem varð hold, eru samtök trúfastra sem búa í heiminum, taka þátt í anda trúarlegu fjölskyldunnar, leita kristinnar fullkomnunar á öruggari og árangursríkan hátt á því breiða sviði sem köllun leikmanna nær yfir og leitast við að að koma á helgun allra karla og kvenna með postullegum verkum sínum. Í þessu skyni óska þeir og skuldbinda sig til að mynda eina fjölskyldu með reglufólki Orðsins sem varð hold, sameinuð í sömu trú, sama markmiði, sama verkefni, sömu náð og sama anda og mynda „salt jarðar og ljós heimsins“ (Mt 5:13-14) í eigin umhverfi.

Náð og markmið

Markmið

Markmið okkar er tvíþætt, annars vegar almennt markmið, sem er að leita dýrðar Guðs og frelsunar sálna.
Hins vegar, samkvæmt sérstöku markmiði okkar, skuldbindum við okkur af öllum mætti að leiða fagnaðarerindið til vegs í menningunni, einkum með því að breiða Orðið sem varð hold til allra manna, í öllum manninum og í öllum birtingarmyndum mannsins, samkvæmt fræðslukenningum kirkjunnar.
Við viljum tileinka okkur boðun fagnaðarerindisins í menningunni – til að vinna að því að umbreyta eftirfarandi með krafti fagnaðarerindisins:

dómsviðmiðum mannkyns,
ákvörðun gilda,
áhugaverðum atriðum,
hugsun manna,
uppruna innblásturs og
fyrirmyndum í lífinu;

svo að þeir styrkist af fagnaðarerindinu í

hugsunarhætti,
forsendum fyrir dómum og
gjörðum sínum.

Við getum ekki gleymt því sem annað Vatíkanþingið benti á: „Ein alvarlegasta villan á okkar tíma er tvískiptingin milli trúar sem margir játa og iðkunar daglegs lífs“ (Gaudium et Spes, 43). Þessi tvískipting stafar fyrst og fremst af því að heimurinn í seinni tíð hefur skilið sig frá kristnum grunni menningar sinnar sem leiðir til afkristnunar menningarinnar.

Náðargjafir

Sérstök náðargjöf stofnunar okkar krefst þess að allir meðlimir hennar starfi í æðstu hlýðni við Heilagan Anda í samræmi við fordæmi Maríu meyjar, til þess að Jesús Kristur sé Drottinn alls þess sem er raunverulega mannlegt, jafnvel í erfiðustu aðstæðum og við verstu kringumstæður.

Þessi náðargjöf felst í því að vita hvernig á að vinna raunverulega til að treysta veru Krists í fjölskyldum, í menntakerfinu, í fjölmiðlum, hjá menntamönnum og í öllum öðrum lögmætum birtingarmyndum mannlífsins. Þessi gjöfi, með því að vera í raun trúboði og fylgjandi Maríu, að gera hvern mann „eins og nýja holdgun Orðsins.“

Þess vegna er hið rétta verkefni stofnunarinnar, sem gefið er af stofnanda hennar og staðfest af kirkjunni, að fullkomna áhrif Orðsins sem varð hold, sem „er ímynd og rót alls góðs“, sérstaklega fyrir hinn mikla heim menningarinnar, þ.e. „birtingarmynd mannsins sem einstaklings, sem samfélags, sem þjóðar og sem ríkis.“

Við teljum það eina mikilvægastu aðferðina til að ná yfirlýstum markmiðum okkar að starfa á lykilsvæðum menningarinnar, þ.e. í fjölskyldunum, menntakerfinu (einkum prestaskólum, háskólum og framhaldsskólum), fjölmiðlum og með hugsuðum eða menntamönnum.

IVE í heiminum

Kort yfir trúboðin

Aðrar síður

Myndir frá trúboðinu